டல்லாஸ் : அமெரிக்காவில் சூப்பர் ஸ்டார் ரஜினிகாந்த் நடித்த 2.0 திரைப்படம், உள்ளூர் நேரப்படி நாளை புதன்கிழமை மாலை 6 மணி அளவில் வெளியாகிறது. 1000 ப்ரீமியர் காட்சிகள் திரையிடப் படுகிறது. முன்பதிவுகள் தொடங்கி விறுவிறுப்பாக நடந்து வருகிறது.
2.0 படத்தை வரவேற்று அமெரிக்கா முழுவதிலும் ரசிகர்கள் கொண்டாட்டங்களுக்கு தயாராகி வருகிறார்கள். பேனர்கள், கொடிகள் என தமிழகம் போல் அமர்க்களப் படுத்த உள்ளார்கள். 2.0 கொண்டாட்டத்துடன் “No More Child Beggars” என்ற முழக்கத்தையும் முன்னெடுத்து உள்ளார்கள்
டல்லாஸில் அலங்கார விளக்குகளுடன் மிகப்பெரிய சைஸில் பேனர் நிறுவப்பட்டுள்ளது. பேனர் திறப்பு விழா டல்லாஸ் இர்விங் பகுதியில் நடைபெற்றது. அமெரிக்காவில் இத்தகைய பேனர் அமைக்கப்பட்டது 2.0 படத்துக்கு தான் அமைக்கப் பட்டுள்ளது.
தமிழர்கள், இந்தியர்கள் மட்டுமல்லாமல் அமெரிக்கர்களும் பேனருடன் நின்று செல்ஃபி எடுத்துச் செல்வது ஆச்சரியமாக இருக்கிறது. இது குறித்து ரஜினி வாசு கூறியதாவது, “ தலைவர் ரஜினி ரசிகர்கள் எப்போதும் தனி முத்திரை பதிப்பவர்கள் என்பதை நிருபித்து வருகிறோம். அமெரிக்காவும் அதற்கு விதி விலக்கல்ல என்பதை 2.0 கொண்டாட்டங்கள் எடுத்துரைக்கும். புதன் கிழமை ரசிகர் காட்சிக்கு ஒரே விதமான டிஷர்ட் அணிந்து சென்று பார்க்க உள்ளோம். இங்குள்ள அனைத்து தியேட்டர்களிலும் 2.0 பற்றிய பேச்சாகவே உள்ளது.
தலைவர் ரஜினிகாந்தின் 2.0 மிகப் பெரிய வெற்றி அடையும் என்பது உறுதி. அமெரிக்காவிலும் புதிய சாதனை படைக்கும் என்பதும் நிச்சயம். பெற்றோர்கள் மட்டுமல்லாமல் அமெரிக்காவில் பிறந்த அடுத்த தலைமுறை பிள்ளைகளும் 2.0 படத்தை காண மிகுந்த ஆர்வத்துடன் உள்ளார்கள்” என்று கூறினார்.
மேலும் அமெரிக்காவின் முக்கிய நகரங்களில் வட அமெரிக்க தலைவர் ரஜினிகாந்த் பேரவை மற்றும் க்ரேட் ரஜினி ஃபேன்ஸ், யு.எஸ்.ஏ சார்பில் ரசிகர்கள் காட்சி கொண்டாட்டங்கள் நடைபெற உள்ளதாகவும் ரஜினி வாசு தெரிவித்தார்.
மேலும், குழந்தைகளை பிச்சைக்காரர்களாக மாற்றி தொழிலாக நடத்து வரும் மாஃபியா கும்பலுக்கு எதிரான பிரச்சாரத்தையும் முன்னெடுத்துள்ளோம். நாம் யாரும் குழந்தைகளிடம் பிச்சை போடக்கூடாது. பிச்சை போடுவதை நிறுத்தினால் எல்லாமும் மாறும். இந்த முழக்கத்தை வட அமெரிக்க தலைவர் ரஜினிகாந்த் பேரவை மற்றும் க்ரேட் ரஜினி ஃபேன்ஸ், யு.எஸ்.ஏ., பிரச்சாரமாக முன்னெடுத்துச் செல்கிறோம்,” என்றும் வாசு கூறினார்.
– வணக்கம் இந்தியா
