Rajini Makkal Mandram

ரஜினி மன்றம் ரஜினி மக்கள் மன்றமானது!


சென்னை: ரஜினி மன்றத்தின் பெயரை ரஜினி மக்கள் மன்றம் என மாற்றியுள்ளார்ர் ரஜினிகாந்த்.

கடந்த ஆண்டின் கடைசி நாளான டிசம்பர் 31-ஆம் தேதி சூப்பர் ஸ்டார் ரஜினிகாந்த் தனது அரசியல் பிரவேசத்தை உறுதி செய்து அறிவித்தார். ஆன்மீக அரசியலில் ஈடுபடப் போவதாகவும் அறிவித்திருக்கிறார். லட்சக்கணக்கான ரசிகர்கள் ஆர்ப்பரித்து வரவேற்றனர். பொதுமக்களும் ஆர்வத்துடன் ரஜினியின் முடிவை வரவேற்றனர்.

ரஜினி தொடங்க உள்ள புதிய கட்சியின் பெயர் கொடி என்ன? என்பதும் எதிர்பார்ப்பை ஏற்படுத்தி உள்ளது. தான் தொடங்க இருக்கும் கட்சியில் சேர நினைப்பவர்கள், மாற்றத்தை விரும்புபவர்கள் தங்களை உறுப்பினர்களாக பதிவு செய்து கொள்ளலாம் என்று தெரிவித்த ரஜினி அதற்காக புதிய இணையதள முகவரி ஒன்றையும் அறிமுகப்படுத்தினார்.

அந்த இணையதளம் மூலமாக ரஜினி மன்றத்தில் இதுவரையில் 70 லட்சம் பேர் இணைந்துள்ளதாக தகவல் வெளியாகி உள்ளது.

தமிழகம் முழுவதும் 22 ஆயிரம் பதிவு செய்யப்பட்ட ரஜினி மன்றங்கள் உள்ளன. 40 ஆயிரம் மன்றங்கள் பதிவு செய்யப்படாமல் உள்ளன. இந்நிலையில், ரஜினியின் ‘அகில இந்திய ரஜினிகாந்த் ரசிகர் மன்றம்’ தற்போது ‘ரஜினி மக்கள் மன்றம்’ என பெயர் மாற்றம் செய்யப்பட்டுள்ளது. #Rajinikanth #RajiniMandram #RajiniMakkalMandram

Author: admin
Tags

Leave a Reply

Your email address will not be published. Required fields are marked *

error: Content is protected !!